"पाऊस", एखाद्या नातेवाईकासारखा असतो… कोणाला दूरचा तर कोणाला अगदी जवळचा वाटतो !!
मला दिसलेल्या पावसाच्या छटा काहीश्या अश्या होत्या ……
पाऊस प्रत्येक मनात असतो साठवलेला
कधी चुकून कधी मुद्दामून असतो आठवलेला
कोणाला आठवतो पाऊस पहिल्या प्रेमाचा
चिंब भिजलेल्या फक्त त्या दोघांचा
कधी कोणा मैत्रीचा पाऊस आठवतो
गरम कॉफीचा वास पुन्हा गप्पा मारून जातो
कोणा कधी आठवतो निव्वळ बनून फजिती
हसले होते खदखदून जेव्हा सारे सखे सोबती
वादळाचा पाऊस आठवतो कोणा
ताज्या वाटतात क्षणिक त्याच्या जुन्या खुणा
पण मला आठवतो पाऊस तुझ्या डोळ्यांतला
मी दूर जातांना हळुवारपणे बरसलेला !!
